ಕಾದಿರುವೆ ನಿನಗಾಗಿ

ಗೆಳೆಯಾ,
ನೀ ಹೀಗೆ ಮಾಡಬಹುದೆಂದು ಎಂದು ಎಣಿಸಿರಲಿಲ್ಲ. ಆ ಮುಸ್ಸಂಜೆ ತಂಪಿನಲಿ, ತುಂತುರು ಹನಿಗಳಲಿ ನಿನ್ನ ಕೈ ಹಿಡಿದು ನಡೆವಾಗ, ಪ್ರೀತಿಯ ಮಾತನಾಡಿ ಮುತ್ತಿನ ಮಳೆಗರೆವಾಗ ಒಂದು ಸಣ್ಣ ಸುಳಿವು ನೀಡದೆ ಈಗ ಹೀಗೆ ಹೊರಟು ಹೋದರೆ ಹೇಗೆ??? ಮರುಭೂಮಿಯಂತಿದ್ದ ಈ ಮನದೊಳಗೆ ಪ್ರೀತಿಯೆಂಬ ಚಿಲುಮೆ ಹರಿಸಿ ಮತ್ತೆ ಆ ಮರುಭೂಮಿಯಲಿ ನನ್ನ ಒಂಟಿಯಾಗಿಸಿದ್ದು ಏಕೆ? ಕಡಲ ತೀರದಲ್ಲಿ ನಿಂತು ಕಡಲಿಗೂ ಸಾಧ್ಯವಿಲ್ಲ ಆ ಬಾನನ್ನು ಅಳೆಯಲು ಆದರೆ ನಮ್ಮ ಪ್ರೀತಿ ಆ ಬಾನಿಗಿಂತಲೂ ಮಿಗಿಲು ಎನ್ನುತ್ತಿದ್ದ ನನ್ನವನ ಹೀಗೆ ನನ್ನ ನಡು ನೀರಲ್ಲಿ ಬಿಟ್ಟು ಹೋದದ್ದು ಎಂದೆನಿಸುತ್ತಿದೆ. ಹೀಗೆ ಮಾಡಿದ್ದಾದರೂ ಏಕೆ ಎಂದು ನಿನ್ನ ಕೇಳೋಣವೆಂದರೆ ಅದಕ್ಕೂ ನಿನ್ನ ಸುಳಿವಿಲ್ಲ.

ಕಾರಣ ಹೇಳದೆ ಹೋದ ನಿನ್ನ ಬರುವಿಕೆಗೆ ಕಾತುರದಿ ಕಾದಿರುವ

ಇಂತಿ ನಿನ್ನವಳು